Дүниежүзілік банкпен 20 жыл ынтымақтастық

«Astana Tower» бизнес орталығының алғашқы жалға алушыларының бірі Халықаралық Қайта Құру және Даму Банкі (ХҚДБ, Дүниежүзілік Банк) болып табылады.

Біздің ынтымақтастығымыз 20 жылға жуық уақытты құрайды, осы уақыт ішінде ХҚДБ өзін өте сенімді және адал серіктес ретінде көрсетті, біз онымен достық қарым-қатынасымызды жоғары бағалаймыз. Сонымен қатар, біздің көпжылдық серіктестігіміз жалға алушылар үшін қолайлы ұзақ мерзімді қатынастарға ұмтылуға негізделген Astana Tower басқарушы компаниясы жұмысының негізгі қағидатын растады.

ХҚДБ 189 елде кеңселері мен өкілдіктері бар жаһандық даму ұйымы болып табылады. Әлемдегі ең ірі даму банкі бола отырып, ХҚДБ табыс деңгейі орташа елдерге, сондай-ақ неғұрлым кредитке қабілетті табысы төмен елдерге қарыздар, кепілдіктер, тәуекелдерді басқару өнімдері мен консультациялық қызметтер ұсынады. Бұдан басқа, ұйым өңірлік және жаһандық проблемаларға ден қою шараларын үйлестіруді жүзеге асырады.

Екінші дүниежүзілік соғыстан кейін Еуропа елдеріне экономиканы қалпына келтіруге көмек көрсету мақсатында 1944 жылы құрылған, бүгінде ХҚДБ Дүниежүзілік банкінің негіздерінің бірі болып табылады. Ұйым дамушы елдерге кедейлікті азайтуға, экономикалық өсуге қол жеткізуге және әл-ауқатты арттыруға көмектесе отырып, Дүниежүзілік банк Тобының басқа институттарымен, сондай-ақ жеке және мемлекеттік секторлардың өкілдерімен тығыз ынтымақтастық жасайды.

Осы мүмкіндікті пайдалана отырып, көрсетілген сенім үшін шынайы алғысымызды білдіреміз және барлық бастамалардың сәтті жүзеге асуын тілейміз!